《新聞女王2》煞科感不捨阿佘排戲已忍唔住喊

更新時間：03:00 2025-08-03 HKT
發佈時間：03:00 2025-08-03 HKT

佘詩曼昨日以代言人身份出席美容店開幕活動，她主演的電視劇《新聞女王2》早前煞科，問到是否已放下角色「Man姐」？她說：「唔捨得地放下，同成班團隊奮鬥咗幾個月，畢竟經歷咗兩輯，大家都唔捨得。」阿佘又指有場戲講她離開公司，排戲時已頂唔順：「我同王敏奕及其他演員都忍唔住（喊）！」提到她早前拍攝落水戲時耳仔瘋狂入水，阿佘表示問了很多人的方法後，最後側頭瞓，故第二日已好番。
此外，阿佘也不知道《新聞女王2》何時播出，她覺得不應受時間限制，最重要是出來的版本是否最好；提到若年底播出便能再衝擊視后，阿佘笑說：「𠵱家十劃都未有一撇。（會唔會想再大滿貫？）已經好滿足，會唔會錦上添花就遲啲先講，但最希望都係大家鍾意同受歡迎，已經當攞獎！」稍後她將正式放一個月假，開心表示：「都想享受吓家庭樂，陪吓媽咪同細佬。」

↓立即下載星島頭條App↓