盧覓雪再「搶口」賽後挑機熱刺球迷
更新時間：03:00 2025-08-02 HKT
發佈時間：03:00 2025-08-02 HKT
發佈時間：03:00 2025-08-02 HKT
字體大小
阿仙奴與熱刺兩大英超球隊前晚在啟德主場館展開激戰，多位星級球迷如方力申、柳應廷、蔡一智、蔡一傑、胡子彤等捧場，當然不少得阿仙奴忠粉盧覓雪，最後熱刺以1︰0獲勝，盧覓雪在愛隊輸波後上載敵隊熱刺球迷揮白旗片段，揶揄未開波就扯白旗而被網民圍剿，她一一回覆反擊。
盧覓雪早前在商台節目談及姜濤墮海意外提到「智商有問題」，惹粉絲批評。風波平息後，敢言的盧覓雪前晚再因在社交網揶揄熱刺球迷而跟網民開火，有球迷直指她經過「姜濤墮海」事件仍不收口。
前晚在啟德主場館阿仙奴大戰熱刺，擁沙卡、奧迪加特、馬天尼利等多名球星的阿仙奴以0︰1敗給死敵熱刺。親到現場捧愛隊的阿仙奴忠粉盧覓雪，在賽後上載敵隊熱刺的在場球迷集體揮舞白色旗的影片到社交網，發文：「乜嘢球隊會未開波就扯晒白旗？#隻盃唔恨要 #留返畀佢哋要喇」。
大批網民被盧覓雪的「扯白旗」言論觸動神經，熱刺球迷留言圍剿她：「唔怪得阿記球迷咁X黑人憎，真係抵你地做一世二奶」、「點解你次次睇親都輸架」、「唔好意思！人哋扯白旗！你哋都入唔到波」、「影衰晒阿迷」，更有球迷留言直指：「你依家真係扯曬白旗投降啦，呢個XX通飛機杯都拎唔X到」，盧覓雪一一反擊網民留言：「講得啱呀，留返俾啲熱狗（指熱刺球迷）打X機」，對於被大批網民圍剿未驚過。
自稱被誤會
盧覓雪亦有上載和熱刺球迷余德丞合照，二人各自穿上愛隊的球衣捧場，她發文笑言無仇只有愛，「阿仙奴同熱刺係世仇，但我同Dickson從來冇仇，只有愛 #好多人誤會我 #其實係唔明白我啫」。
前晚除了MIRROR成員柳應廷（Jer）和ERROR成員何啟華，傳遭公司雪藏的ERROR成員保錡也罕有現身，保錡表現興奮，三人在賽後齊齊去after party近距離見球星。
