姜濤1 take pass 榮升「P牌仔」
發佈時間：03:00 2025-02-06 HKT
MIRROR多位成員近年都成功考獲車牌，除了呂爵安（Edan）、柳應廷（Jer）外，邱士縉（Stanley）去年亦考獲電單車牌，至於姜濤則在2023年曾被捕獲現身駕駛學院，不過就一直未有報喜成功考獲車牌的消息。上月，姜濤自爆重拾「學神」身份，透露將於1、2個月後考自動波駕駛執照，更坦言十分緊張！《星島頭條》獨家捕獲姜濤現身鴨脷洲考路試。
姜濤早前被隊友邱士縉（Stanley）大爆兩年仍未考到車牌，上月他出席活動時解釋並非不及格而重考，主要是因為工作太忙而暫停學車，並延至今年才考路試：「我只上了兩堂，未有信心，但我學駕駛自動波，會容易一點。」直至昨日下午3時，姜濤現身鴨脷洲試場，見他一身短袖黑衫便服打扮，戴黑色口罩配藍色冷帽，全身包到冚。姜濤到場後先與教車師傅出車練習了幾個圈，其後回到學院，並在辦公室等叫名考試，約3時15分正式駛出試場，他在鴨脷洲利南道、利興街及利榮街一帶的輔助線進行路試，表現亦相當淡定。
考完試笑晒口
據知這條路線與當日Stanley考電單車牌的路線一樣，姜濤在一帶遊走後，考試大約15分鐘已經火速完成，姜濤回到駕駛學院後，並落車返回乘客位置，隨後一位女士拿着分數紙及一個「P牌」給姜濤，姜濤成功 1 take pass考獲車牌，順利成為「P牌仔」的他相當興奮。及後他再與師傅在車頭拍照，笑容非常燦爛，又豎起手指公，表現親民，更禮貌地多謝師傅。
揸車早有天分
其實姜濤對於揸車相當有天分，早年在電影《阿媽有咗第二個》有踩單車戲份，原本不懂踩單車的姜濤，都特別找朋友教他，一日就學識。
今次考自動波車牌，由於工作忙碌，他在這兩年間亦只是斷斷續續上堂，今次能夠 1 take pass亦相當厲害。而早在2023年，有「姜糖」（粉絲暱稱）得知偶像考車牌，就立即以3.8萬元成交投下與姜濤英文名串法一樣的「KEUNG T0」自訂車牌，該女士自認是「姜糖」，並指會待姜濤考完車之後，將投得車牌送給偶像。
