陳瑞輝澄清無出軌

更新時間：03:00 2024-06-21 HKT
發佈時間：03:00 2024-06-21 HKT

MIRROR成員陳瑞輝（Frankie）的女友Christy近日被連番爆出黑歷史，Frankie昨日在社交網澄清自己無出軌，可惜女友Christy繼續被爆料，曾自揭做另一男士的小三，內容更語出驚人。

MIRROR成員陳瑞輝（Frankie）去年平安夜公開新戀情，近日女友Christy「上水」親回男友粉絲，卻被爆黑歷史，被揭私生活混亂兼流出大批性感照，更疑似做第三者。Frankie亦陷出軌風波，被指他與Christy一齊時仍未與前女友分開，Frankie昨日終於在社交平台限時動態回應事件，澄清自己無出軌︰「最近一啲有關我私人生活嘅報道，為皮寶寶同支持我嘅你哋帶嚟困擾，我好抱歉。同時都想澄清，我係喺上一段感情結束後，先正式開始而家呢一段關係，希望大家唔好再作猜測。」他又感謝粉絲支持，自覺變得自信、開朗︰「另外，以前嘅我，唔了解自己好睇嘅地方，喺舞台放鬆唔到，冇信心。我開心大家最近睇到我嘅轉變，睇到我自信咗，開朗積極咗，打開咗自己，畀到更多好睇嘅自己大家睇。我知道呢啲注意絕對得來不易，我嘅轉變我感受到，我知道大家都感受到。最後，感謝你哋嘅體諒同支持。我會繼續進步，繼續做好，成為一個更好嘅自己，去報答所有皮寶寶同支持我嘅你哋。再次感謝大家。」
曾揚言玩厭就會踢爆
不過女友Christy再被爆料及流出圖片，見她Deep V與一個男子合照，IG Story截圖曾經表示︰「其實我真係志在有個人陪下我周圍去，𠱁吓我㗎咋。」接着竟然自爆做第三者，並揚言玩厭就會踢爆：「我都覺得做佢條女真係好X陰公，佢哋仲要就嚟五周年，繼續若無其事咁慶祝扮恩愛。我玩厭之後一定會爆畀佢條女知，再咁畀人呃落去真係好慘，即管睇下邊個識玩啲。」