張敬軒透視露背自揭早餐post真諦

更新時間：01:11 2020-11-25 HKT
發佈時間：03:00 2020-11-25 HKT

軒仔的黑色西裝原來是「背多Fun」系列。

　　(星島日報報道)張敬軒演唱會前晚舉行第二場，軒仔於第四部分換了一件黑色新西裝，前後都透明效果，非常性感，軒仔先自嘲：「成晚背脊係有啲涼浸浸，哈哈。」之後他又早餐KOL再上身，大爆屋企姐姐的由來，仲話：「呢一個咁嘅背脊，一粒瘡都冇，就係日日食白粥同麵包食番來！我直情開始食到有啲妊娠紋𠻹！」他指姐姐曾在台灣工作，懂得國語，原意是想由姐姐照顧來港與他生活的父母，但因疫情緣故，父母仍未能港。
　　之後軒仔再講：「演唱會開前收到一個網友留言，有位歌迷舊年買咗飛，但今年離開咗、來不到了。我唔知佢家人今晚有冇來，希望佢在天之靈，聽到我哋今晚歌聲。幸福唔係必然，就算經歷咁多唔開心，做人都唔可以一直俾情緒干擾自己，所以我開始把每日早餐post上網，開始時冇特別意思，只係分享下畀大家知，所謂一個知名歌手嘅早餐，分分鐘唔夠你個早餐好。但係後來好多朋友留言，今日做嘢唔開心，睇完我個post好咗好多。你哋多謝我啲早餐post，我反而好榮幸可以通過我的不幸為大家帶來咁多娛樂。只要大家開心，我就開心㗎啦。」語畢獲得全場掌聲。
　　