音樂劇《利瑪竇》首演贏全場掌聲

更新時間：02:11 2019-04-22 HKT
發佈時間：03:00 2019-04-22 HKT

　　(星島日報報道)劉松仁籌備兩年多的音樂舞台劇《利瑪竇》，前晚在文化中心舉行首場，全院滿座，到場的嘉賓有鄧萃雯、衛蘭、衛詩、姜大衛夫婦、陳志雲及朱潔儀等等。男女主角王梓軒及陳潔儀頭場表現得淋漓盡致，觀眾都被他們感動到眼濕濕，衛蘭大讚：「好感動，成個故事都好鼓勵，利瑪竇那份堅持同勇氣令我覺得好有希望，尤其梓軒跑去搶番個十字架時，我好感動，有滴眼淚。」
　　鄧萃雯亦大讚眾演員都好認真，故事亦好感動，她說：「劇本幾深，唔係一睇就即刻明，係需要時間消化，我返去要再深深嗒吓嗰陣味道……睇完對利瑪竇認識多咗，將西方文化、天主教帶到去中國係好困難，原來係花咗咁多咁多嘅年月同心力，同埋要不屈不撓，對我自己都好大提醒。」
　　完場時，眾演員到台上謝幕後，全院觀眾都不肯離場，企起身一直拍掌歡呼，5分鐘後各演員再次出場，而大功臣松哥亦上台一同鞠躬致謝，頭場演出十分成功，餘下11場的表演，他們都會繼續台前幕後會團結一心。
　　