【娛樂】Yet To Come 譚凱琪

東周刊

掌握時事脈搏　帶領生活潮流

2022-06-17 14:00 HKT

ST+ 專欄

內容

約譚凱琪做訪問，除了文字，相片同樣重要，構思時攝影師給了我兩個選擇：「冷艷？少女？」最理想是Why not both，但我反問：「暖媽？」四十歲的譚凱琪，結婚兩年，女兒Baby G現已一歲半，幸福人妻、人母一枚。

而正在播映的《十八年後的終極告白2.0》，是她產後復出的首個作品，暖媽concept，她一定carry得起。豈料當事人聞言，秒速彈鐘：「唔好啦！結咗婚、生咗小朋友，一樣可以冷艷可以靚！好似我嘅事業心咁，我仲想闖一番事業o架！」

於是扑鎚冷艷，為了美感，譚凱琪還脫掉高跟鞋，赤腳擺甫士，做雜誌訪問如是，做正業拍劇的瞓身度，可想而知。「就係因為有咗小朋友，我都會想俾啲成績囡囡睇，希望佢讀書，或者以後喺做嘢方面，都有一團火、一個向前嘅心。」即是去到一個被迫聽〈Baby Shark〉的階段，也不代表你不可以聽BTS，身份多了，不代表要忘記初心。步調依舊，還多了摯愛同行，迎接尚未到來的章節，不是更加圓滿嗎？