KellyChu - 店家：全新組合要時間磨合炳記茶檔「人齊開工」網民：「奶茶正斗」 | Executive日記

Executive日記

KellyChu

7小時前

生活專欄

內容

位於港島大坑嘅「炳記茶檔」係本港僅存嘅鐵皮茶檔，炳記上月因人手不足，宣布暫停營業，令一眾街坊網民同遊客擔心，擁有70年歷史嘅炳記，是否要關門大吉。幸好，炳記原來唔係結業，日前在社交平台宣布，經過短暫休整，正式復業，可以「人齊開工」！

　　停業約半個月後，「炳記茶檔」上個禮拜正式恢復營業，在官方Instagram更新消息，宣布「人齊開工」，仲向食客解釋重開後茶檔人手有變動，希望食客諒解，「全新組合要時間磨合嘅請耐心等候」。同時，茶檔亦在內地社交平台小紅書向廣大食客宣布復業，多謝各方好友關心茶檔運作。

　　炳記茶檔自1950年代開業，供應奶茶、多士及豬扒即食麵等港式美食，係本港碩果僅存嘅鐵皮茶檔。曾經有多部港產電影到炳記茶檔取景，歌手陳奕迅亦曾多次幫襯被拍攝到。茶檔獨特嘅奶茶，贏得旅客讚譽，曾被外媒CNN評為香港四大奶茶王之一。近年小紅書盛行，炳記備受小紅書用戶推介，令炳記成為不少本地及外地遊客嘅「打卡」熱點。

　　炳記茶檔復業消息一出，立即在網上引起熱烈迴響。網民紛紛留言表達喜悅和支持，「咁就好啦」、「恭喜」、「等咗好耐呀」、「惦（掂）曬」、「奶茶正斗」，有食客仲幽默咁話：「陳奕迅有飯吃了」。

　　炳記茶檔

　　地址：大坑施弼街5號地舖

　　營業時間：早上7點到下午3點（星期一休息）

KellyChu