KellyChu - 大雨水塘滿瀉「魚躍堤岸」 | Executive日記
KellyChu
2025-08-18 02:00 HKT
字體大小
近期多次黑雨，大雨滂沱，連水塘都滿瀉，更出現罕見現象。Kelly朋友傳來相片，話近日行經水塘，竟然遇上水位上升，更有魚跳上岸，唔止一條，係幾條咁多。
黑雨多次襲港，大水觸發罕見現象，好似港島南區華富邨嘅瀑布灣，平日其實係一條小溪流，但黑雨過後變成真的瀑布，非常壯觀。至於水塘亦滿瀉，好似大潭水塘亦排洪，水壩變成幾條大瀑布。
大雨唔單止帶來大水奇景，連魚兒都來「湊熱鬧」。Kelly朋友傳來相片，話黑雨過後行經大美督淡水湖，見到水位上漲，仲有魚兒跳起，跌到堤岸邊，佢見到係鰂魚，一路行一路有更多魚跳上岸，令佢滿載而歸，帶返屋企加餸。
根據香港法例，如果要係水塘釣魚，要事先申請牌照，否則屬非法垂釣，但係魚兒自動跳上岸，執起又算唔算違法呢？真係考起小妹。
福鱷「太惡」遭棄養 恐影響本土生態
另一方面，Kelly昨天睇到網上新聞，話昨日早晨有人喺大埔林村河（近太和橋）釣到一條福鱷。有專家話，福鱷喺香港一般作為觀賞魚，但牠長得「好惡」，經常被人棄養，結果呢種外來物種進入咗香港嘅河流。小妹建議大家不要隨便棄養，以免搞亂本地嘅自然生態。
KellyChu
專家表示福鱷非本地物種，對本土生態有潛在風險。
更多文章
