公屋原區調遷 接房委會5位數字支票 寬敞戶收津貼喜出望外：估唔到有咁多｜Juicy叮
發佈時間：11:33 2025-10-03 HKT
有馬鞍山公屋寬敞戶原區調遷，由恒安邨搬到頌安邨，大屋搬細屋約3個月後，收到房委會的5位數字搬遷津貼支票。喜出望外的住戶在網上分享喜悅，坦言「估唔到有咁多」。詳情見下圖及下文：
公屋原區調遷 接房委會5位數字支票 寬敞戶收津貼喜出望外逐張睇↓↓↓↓
樓主：可以免租3個月
樓主昨日（2日）在facebook群組「公屋討論區 - 香港facebook群組」上載相片留言「等待了3個月的一人單位寬敞戶搬遷津貼支票終於收到了！估唔到有咁多。加埋3次揀樓機會首選，可以10、11、12月免租3個月，真係勁開心！」。
樓主上載了房委會發出的收款通知書和銀碼為10740元的支票，另有簡潔的家居照片。
網民讚樓主願意搬出
對於樓主大屋搬細屋後在海景單位安居樂業，網民都替其高興，指「馬鞍山，海景單位，幾靚！」、「新居環境唔錯」。有人形容樓主是「人生勝利組」，也大讚「你是最好的，願意搬出換細單位」，有人則建議應把事情「發揚光大」。
網民對於樓主的搬遷背景感到相當好奇，紛發出提問，樓主也慷慨一一回應，綜合部分回應與提問如下——
新居舊居對比
•樓主：本身60歲未到住緊四五人單位而家得返一個人就係特快寬敞戶。
樓主自爆背景：老豆老母仙遊啦！兄弟姊妹結婚搬走咪剩返我一個！一個月就已經有信第一次揀單位！
網民：本來幾多呎？
樓主：四五人單位300幾呎左右。
網民：（新居）幾呎單身一個人。
樓主：180呎左右！
樓主：租金千六有找！
網民：搬咗，自然身家會多啲。
樓主：租金每月慳咗$600。
網民：1年儲返幾千蚊。10年幾萬蚊，發達喇。
•網民：（新居）喺邊度呀？咩邨？
樓主：馬鞍山頌安邨。
樓主：有海景非常滿意！
樓主：本身住馬鞍山差不多40年了。
樓主：恒安邨40年樓齡！
樓主：真係唔留戀舊居（恒安邨）！
•網民：其實一個人住，要細啲單位仲好，執屋都快手啲。
樓主：絕對認同！以前舊屋大好怕掃地拖地。
樓主：交還大單位冇壞！難得可以住新啲屋邨！
樓主：舊單位40年樓齡又殘舊，新單位20樓齡少一半！
搬遷及裝修細節
•網民：請問你是寬敞戶時，房署幾多時間你遷就遷出？
樓主：得3個月左右咋！
網民：新屋裝修得切得3個月？
網民：請問裝修咗幾多錢？謝謝！
樓主：我上手裝修保留直接搬入去！
樓主：上手裝修油漆雲石地磚保留，冇裝修直接搬入去住！
網民：非常幸運、好過中六合彩，超正。
樓主：超開心慳番啲裝修費！
樓主：慳咗錢同時間直接搬入去住！
•網民：請問師兄申請到第1次揀樓要幾耐？
樓主：1個月左右！
網民：（收支票）係還屋日計3個月，定簽約日計3個月？
樓主：7月頭搬入去等到今日！
網民關注薯片被鋪
另有網民錯重點地關注樓主的惹味薯片被鋪，指「熱浪正」、「張熱浪被好吸引」，好奇「張被邊度有得買」。
樓主笑言「可以發夢食薯片！」、「瞓住好熱氣㗎！」，並透露薯片被鋪是「以前美食節買滿幾十蚊卡樂B產品送㗎！」。
發「住戶搬遷津貼」鼓勵「寬敞戶」調遷
根據房署有關公屋「寬敞戶」的調遷資料，「租戶在承租單位後，若因家庭成員遷出、離世、結婚、移民等原因而刪除戶籍，使餘下的家庭成員享有的居住面積超逾既定的編配標準，便成為『寬敞戶』。現時租約條文已規定，倘成為寬敞戶，租戶須遷往房委會認為居住面積符合其家庭人數的公屋單位」。
而為鼓勵「寬敞戶」調遷，所有「寬敞戶」在遷往細單位後可獲發放「住戶搬遷津貼」，並在資源許可下，可獲提供調遷至新屋邨的機會。
相關閱讀：馬鞍山公屋寬敞戶 極速調遷海景單位 快到住戶嚇一跳 自爆仲有幾樣大優惠
有馬鞍山公屋寬敞戶於申請後1個月，極速獲原區調遷到海景單位，配房速度快到連住戶自己也嚇一跳，並興奮自爆這次大屋搬細屋還有多項大優惠，引得網民羡慕地連番恭喜。↓↓↓↓
相關閱讀：公屋男入伙開箱爆「上手發咗達」送驚喜 富戶風水屋格局曝光 廁所1特色最讚
有公屋男因為寬敞戶問題，須調遷1人單位，他獲派馬鞍山一個180呎海景公屋單位，驚喜發現「上手發咗達」送贈全屋靚靚裝修，令他可在獲派單位後，只須簡單布置，便可極速入伙。
他6月23日在網上發布多張新居開箱照片，曝光這富戶風水屋的格局樣貌，全屋好風好水竟無須安裝冷氣，其中廁所的一項特色，更備受網民讚譽↓↓↓↓
資料來源：Billy Hui＠facebook
相關閱讀：將軍澳寬敞戶原區調遷 寶林邨住客糾結新落戶地點 網民年半後追問去向 事主咁答......↓↓↓↓
有居將軍澳寶林邨的寬敞戶需要原區調遷，早前糾結新的落戶地點而徵詢網民意見。事隔約1年半後，有網民近日追問事主的去向，結果獲得極速大方回覆，具戲劇性的答案揭盅......詳情見下圖及下文：
將軍澳寬敞戶原區調遷 寶林邨住客糾結落戶地點逐張睇↓↓↓↓
