第一次英國配眼鏡

UK_nottsMama

移英港媽生活分享

2021-12-10 10:43 HKT

生活專欄

內容

最近，我和小朋友都初試了英國的驗眼及配眼鏡服務。在英國，小朋友只要 under 16 歲又或者 under 19 歲而仍接受全日制教育，便可享用 NHS 免費驗眼服務(eye test) 及配眼鏡服務，而配眼鏡片也有很大津貼。

驗眼及配鏡服務可以在任何一間眼鏡舖做，如 Specsavers、VisionExpress、Boots Optician，位於超市的自家品牌像 ASDA Optician 都可以，不過我會選擇去大店，因為眼鏡款式選擇會較多，比較容易揀到心水款式。

Eye test 會好似香港眼鏡舖咁，由視光師為客人 check 度數，同樣是坐在一方，邊換不同鏡片，邊要你說出幾行英文字母、數字來 check 邊個度數清楚，另外亦會做眼壓同為眼底影相，最後見埋視光師講一下 eye history，就可以配眼鏡。小朋友有 NHS 津貼，揀 89 英鎊以下的款式都是免費的，只需付鏡片費用，而鏡片同樣有津貼。兩兄弟由於近視太深，需要配超薄和輕巧的鏡片，每對鏡片面價要 105 鎊，而近視深啲的哥哥在鏡片津貼上會比細佬多 (多過一半)。咁最後幾錢落樓呢？兩兄弟夾埋 106 鎊！除開每人只係 50 幾鎊，我地覺得超級抵，因為哥哥在香港配副輕身薄鏡的眼鏡閒閒地都要千幾二千。最正係佢地呢款眼鏡在下次更換之前如有損傷，係可以免費配過！要知道英國學校無論平日小息或 PE 堂都有唔少球類運動，一球撞過來飛甩眼鏡「斷臂」絕對唔奇，有得免費補配真係超級正。