KellyChu - 世界華語文學獎落戶香港 明年2月舉行 即日起徵稿 | Executive日記
KellyChu
2小時前
字體大小
首屆世界華語文學大會暨世界華語文學獎，正式宣布落戶香港，將於下年2月28日舉行，面向全球華語文壇。今次係呢個國際級盛事第一次嚟到香港，仲得到文體旅局支持，除咗有重量級評審，聽聞獎金仲非常豐厚。華語文學圈人才薈萃，位位都妙筆生輝，相信大會有助各地大師交流切磋，Kelly好期待呀！
獎項即日起徵集文學作品，涵蓋傳統文學創作同網絡文學，設優秀文學作品獎、傑出貢獻獎、新人獎等，彰顯華語文學嘅多元同創新。喺昨日嘅發布會，大家雲集，中華文學基金會理事長施戰軍、茅盾文學獎得主劉震雲、廣東省作協主席謝有順、城大中國文化中心原主任鄭培凱等都有出席。文體旅局署理局長劉震表示，香港作為中華文化藝術交流中心，具有獨特地位，希望在此打造全球華語文化藝術交流中心，讓華語故事，在世界文學版圖上綻放光彩。
KellyChu
更多文章
