KellyChu - 中大醫學院長趙偉仁喻學院排名如「米芝蓮」 專注服務不應盲目「追星」 | Executive日記
KellyChu
2小時前
字體大小
近來醫生專業道德問題備受關注，讀醫仍為狀元熱門選擇。中大醫學院院長趙偉仁昨日喺書展舉辦「俠之大者－－醫者仁心的俠義之道」講座，分享行醫心經。佢形容，做醫生與武俠小說中嘅大俠一樣，除咗講求能力，更講求仁心，又以「米芝蓮」比喻學校排名，認為醫學院應做好實際嘅教學、臨床服務，不應盲目「追星」。
作為「以生命影響生命」嘅職業，社會對醫生有一定道德要求。趙偉仁認為，做醫生應如小說中武功高強、內功深厚嘅大俠一樣，具備專業知識、分辨病症，找出治療方法之餘，亦須具備仁心。佢又引用金庸「俠之大者，為國為民」，指出醫生不止是專業技能好，更應有俠義中嘅「犧牲」精神，醫生獲得社會尊重，根源正在於以病人為醫治中心嘅無私奉獻。
作為醫學院院長，經常聽到外界對排名嘅討論，趙偉仁坦言，「我哋醫學院其實從來都唔會追求嗰排名」，形容排名「好似一面鏡子咁」，只是用於反省表現，學校專注做好基本工作，例如教學及臨床服務，自然會獲得欣賞。
Kelly琴日都有親身到場，見到台下唔少有志讀醫嘅中學生前來取經，衷心祝願佢哋未來都能成為才德兼備嘅「俠醫」！
KellyChu
最Hit
更多文章
