Cally - 大埔激玩MUZIK TIGER甜品運動會！屯門食買玩賺盡雙重賞 | 商界講呢啲
Cally
11小時前
字體大小
炎炎夏日，最好就係去商場歎冷氣兼打卡！講到今個暑假必去，一定係大埔超級城同韓國超人氣品牌MUZIK TIGER聯乘嘅「盛夏甜運會」！
大埔超級城C區中庭今次變身做夢幻樂園，有齊巨型雪糕杯、冬甩同馬卡龍打卡位，超得意呀！最正係場內有3大競技園區，大家可以挑戰「萌虎射門」AR體感守門遊戲，考驗下眼手協調；或者喺迷你足球場嚟場二人對戰，仲有考反應嘅巨型冬甩「甜品點點樂」。打卡必去近年最hit嘅Y2K鏡面自拍牆，同閨蜜一齊完美同框影靚相就最perfect！提提大家，元朗廣場都有MUZIK TIGER甜蜜西瓜派對㗎，由7月30日起喺呢兩大商場消費滿HK$800，仲可以換領今夏必搶嘅限量冰感風扇！
另外，想瘋狂Shopping嘅話，屯門時代廣場就推出咗「解鎖盛夏雙重賞」。H COINS會員只要喺場內消費滿指定金額，就可以換領高達HK$500嘅電子禮券同商戶現金券，賺盡回贈！商場新開咗賣靚花嘅「大富貴花園」同賣首飾嘅「米翠圓輕奢翡翠」，行到肚餓仲可以食米芝蓮推介嘅媽咪雞蛋仔，或者去和民歎日本菜，一站式滿足晒食買玩嘅願望！
Cally
屯門時代廣場推出「解鎖盛夏雙重賞」，消費滿指定金額，可獲購物或餐飲電子消費券。
