KellyChu - 灰熊山谷「淘金客」破三萬人次 迪士尼「Pixar爆谷快閃店」公仔脹卜卜 | Executive日記
KellyChu
7小時前
字體大小
隨着體驗式旅遊興起，香港迪士尼樂園近年持續透過創新互動體驗及特色商品，將零售融入樂園故事之中，與賓客建立更深層次嘅情感連結，創造不一樣旅程體驗。例如最近推出嘅美國小鎮大街期間限定「Pixar爆谷快閃店」，將多款經典Pixar角色化身成為脹卜卜嘅爆谷毛公仔，仲可以從大型爆谷桶親手將佢哋夾返屋企，好玩又有趣。
香港迪士尼樂園度假區商品總監顧正偉坦言，現在賓客不止購買商品，而是在尋找能夠代表旅程故事嘅紀念品，所以希望透過不同互動體驗，讓商品成為樂園體驗嘅延伸。「無論是一個毛公仔、一枚徽章，或是一件飾物，其價值不止在於商品本身，更在於它所承載的獨特回憶。」
此外，今年4月喺灰熊山谷推出嘅「鋼牙奇奇與大鼻帝帝幸運淘金桶」互動體驗，直至6月底參與次數已突破30000次。賓客只要購買限定紀念卡，就可以轉動一次淘金桶，有機會贏取巨型鋼牙奇奇或大鼻帝帝毛公仔、咕𠱸或扇子，活動結合角色故事、現場互動及驚喜元素，深受歡迎。
香港迪士尼20周年慶祝活動已於上月圓滿結束，吸引大量本地及海外旅客到訪，並帶動商品銷售持續增長，累計售出超過350萬件20周年限定商品。全新Pixar主題及Marvel主題體驗將陸續登場，Kelly亦相當期待樂園嚟緊更多嘅娛樂及零售體驗。
KellyChu
一眾Pixar人氣角色化身爆谷毛公仔。
