KellyChu - VTC畢業生拍檔創業 「醒爬」智能行山App實景引路 | Executive日記
KellyChu
1小時前
字體大小
兩位「90後」VTC資訊科技學科畢業生，憑藉所學專業與勇於嘗試嘅精神，4年前創立初創公司，專注開發智能生活應用及創科教育方案。其中二人旗艦作品「SmartHike醒爬」智能行山App，結合咗擴增實境（AR）與人工智能（AI），提供包括熱門行山路線建議、AR實景引路、AI安全提示及健康數據追蹤，適合不同程度行山人士使用，為大家帶嚟更方便和充實嘅行山體驗，而家已經可以喺網上下載使用喇。
馬寶軒（Mable）與黃積安（Jacky）分別畢業於VTC軟件工程高級文憑課程，以及人工智能及手機軟件開發高級文憑課程。佢哋讀書期間已經拍檔參與多項創科比賽，在老師指導下磨練技術與創意思維，屢獲佳績。比賽經驗亦令佢哋逐漸萌生創業念頭，創立初創公司「417 Technology Limited」，同時分別升讀大學完成學士學位課程。
「SmartHike醒爬」作為二人旗艦作品，結合咗AR和AI技術，其中會根據用戶位置推薦附近熱門行山路線，例如西貢麥理浩徑，以及被譽為「香港天空之鏡」嘅流水響水塘等。AR實景引路功能亦可協助用戶辨認正確方向，減低迷路風險。
為咗喺戶外環境中做到精準定位，同時進行即時數據分析，Mable和Jacky花咗唔少時間於山徑中反覆測試和持續調整。有行山新手試用App後分享，使用App時能清晰掌握路線和安全提示，令佢更有信心及興趣探索行山路線。Kelly希望呢對兄弟檔嘅創業經歷，可以鼓勵更多年輕人勇於嘗試，將所學回饋社會。
KellyChu
APP可即時顯示與真實環境對應嘅導航指引。
最Hit
