KellyChu - 今年打風9個新名字 香港提名「點心」入選 | Executive日記
KellyChu
1小時前
字體大小
天文台昨日公布今年西北太平洋和南海熱帶氣旋名單，其中由香港提名嘅「點心」因代表香港著名美食，成功獲颱風委員會採用，成為9個新颱風名字之一。當然大家都唔喜歡打風，但若真有「點心」來襲，Kelly覺得亦頗有苦中作樂嘅感覺。
除咗香港提出嘅「點心」，今年新增嘅熱帶氣旋名字還包括朝鮮提出嘅「簡古維」，意思青蛙；越南提出嘅「花斑」，係當地一種常見花卉，以及日本提出兩個與星座有關嘅「希比」和「船尾」。其他新名字仲有「高基」、「蒂魯」、「娜尼」及「布拉帕」。
新名字於聯合國亞洲及太平洋經濟社會委員會和世界氣象組織轄下嘅颱風委員會會議中通過採用，分別取代舊有名字「康妮」、「桃芝」、「萬宜」、「天兔」、「摩羯」、「艾雲尼」、「飛燕」、「山陀兒」及「潭美」。根據慣例，颱風委員會會考慮將造成重大人命傷亡和經濟損失嘅熱帶氣旋除名。另根據機制，熱帶氣旋名單上嘅名字會按固定順序輪流使用，預計最快要到2030年才會正式出現名為「點心」嘅風暴。
KellyChu
最Hit
更多文章
