KellyChu - 全港首創環保陀螺「膠戰」 回收膠樽打造高強度零件 | Executive日記
KellyChu
1小時前
字體大小
近期全城掀起一波爆旋陀螺熱潮，一間塑膠回收及環保服務公司就利用3D打印技術，將回收返嚟嘅PET水樽變成高強度陀螺零件，更將於下星期一（25日）喺D．PARK愉景新城室內籃球場舉辦全港首創嘅「ECOHOPE陀螺SHOOT膠戰」，等一眾陀螺戰士報名參賽，用「塑膠回收升級再造」嘅環保裝備決一高下！
回收膠樽造陀螺
活動最大賣點係所有陀螺嘅核心零件，由ECOHOPE用回收膠樽經3D打印技術製造而成。現場特設「體驗式環保實踐區」，俾參賽者親手組裝環保陀螺，多認識環保理念。
ECOHOPE市場總監賴文浩話，好多人以為塑膠回收只能製造一些粗糙嘅次級品，但今次活動將塑膠癈料經先進3D打印技術，可以變身高精準度嘅競賽裝備，希望俾大家知道，「『膠』從來不是廢物，只要放對地方，就能重塑極高嘅經濟與實用價值。」
KellyChu
最Hit
