KellyChu - 「香港潮州節」6·5揭幕 地道魚飯英歌舞齊集會展 | Executive日記
KellyChu
1小時前
字體大小
香港潮屬社團總會主辦嘅新一屆香港潮州節，下月5日至9日在會展舉行。現場不但有魚飯、滷水、鴨屎香牛肉丸等經典潮州風味菜，還可以睇英歌舞等非遺展演。今屆活動更特設「擔米接力比賽」，紀念潮州人艱辛歲月。祖籍潮州嘅入境處處長郭俊峯昨日更率先體驗擔米過獨木橋，又透露自己對潮汕風味美食，懷有濃厚情懷，呼籲大家記得入場，領略「潮文化」嘅古今風貌。
從前唔少潮汕人來港「搵生活」，歷史上嘅三角碼頭常見佢哋擔米嘅身影。今次潮州節就結合呢段過往，特設「擔米接力比賽」，希望青年體驗到先輩嘅奮鬥歷程。郭俊峯在發布會上受邀體驗擔米，佢喺肩膀搭上亞麻色布巾，行「獨木橋」成功運送米袋到另一側。他致辭時更分享，自己雖然在香港出生成長，但對潮汕經典美食懷有濃厚情懷，熱切呼籲市民到場體驗。
Kelly仲得知，潮總本月23日會喺銅鑼灣、深水埗、旺角、油麻地、尖沙咀多個街區，舉辦英歌快閃，提前將潮州非遺風采帶俾市民！
KellyChu
更多文章
