KellyChu - 多部影視作品取景地 牛頭角祥榮茶冰廳8月告別 | Executive日記
KellyChu
1小時前
字體大小
位於牛頭角嘅觀塘花園大廈重建在即，邨內有59年歷史嘅祥榮茶冰廳宣布8月底結業，香港又少一間老字號冰室。祥榮茶冰廳室內裝潢懷舊，例如經典藍色磚牆和傳統卡位，充滿港味，係多部本地影視作品嘅取景地。冰廳更自設餅房，每日新鮮出爐麵包、西餅。這些美味陪伴街坊逾半世紀，大家得知結業消息後都紛紛表示不捨。
祥榮茶冰廳自1967年起伴隨着觀塘花園大廈一同成長，由早至晚供應三餐。有網民形容：「呢度嘅常餐湯底係做得數一數二好，我都食咗好耐，真係有啲唔捨得。」亦有人憶起童年：「以前住牛上五座，朝朝跟媽媽落去食早餐，跟住返學，放學會去隔離間士多買零食，真係好懷念。」有街坊說自己光顧咗三十幾年，由細食到老。附近不少打工仔亦係常客，形容「好食又抵食，伙記都好好」。自2020年接手經營嘅胡女士則透露，冰廳近期生意入不敷支，未決定會否另覓舖位重開。
KellyChu
更多文章
