KellyChu - 港男欖全力備戰撼湯加 下周六遠征杜拜挑戰賽 | Executive日記
KellyChu
2026-01-08 02:00 HKT
字體大小
下個禮拜六（1月17日），香港男子七人欖球隊就會殺去杜拜出戰挑戰賽喇！佢哋今次會分別對撼湯加、薩摩亞同埋哥倫比亞呢幾隊勁旅。主教練高勳話，對球隊信心十足，隊員聖誕前已經做咗高強度訓練，目前集中備戰對湯加嘅首仗，會加強防守，希望喺比賽中掌握主動權。
高勳又話，湯加球員速度快、身材高大，不過港隊都有唔少速度快、步法好嘅邊路同中路球員。見到佢哋臨近比賽，仲密密加操，Kelly預祝佢哋凱旋！
主教練：對球隊信心十足
球員房傑鋒坦言，之前畀太大壓力自己，影響臨場表現，希望今次可以盡力發揮。佢仲話，早前港隊喺全運會贏咗冠軍，「打咗支強心針」。佢提到，其實之前同湯加、薩摩亞交過手，反而會特別留意未曾對陣過嘅哥倫比亞隊。
KellyChu
更多文章
