KellyChu - 與300師生開Party慶聖誕 迪士尼「分享愛」 贈1.5萬份玩具 | Executive日記
KellyChu
2小時前
字體大小
聖誕節最緊要係分享愛！今年聖誕，香港迪士尼樂園再次響應全球計劃「Disney Ultimate Toy Drive」，舉辦「分享禮物．分享愛」活動。史迪仔化身聖誕老人，聯同迪士尼樂園行政總裁施保添、迪士尼義工隊，透過35間非牟利機構同公立醫院，捐出超過1.5萬份迪士尼玩具畀有需要嘅小朋友，真係暖入心！
黑膠唱片收益捐「願望成真基金」
除咗派禮物，義工隊同親善大使仲親身去到匡智紹邦晨輝學校同沙田公立學校，同超過300名師生開Party。現場唔止有歌舞、魔術同雜技表演，仲送上義工親手畫嘅迪士尼壁畫。見到班小朋友笑到見牙唔見眼，Kelly覺得呢啲先係聖誕節嘅意義！
另外，為咗慶祝20周年，迪士尼仲推出咗隻限量版螢光紫色黑膠唱片做慈善義賣，所有收益會全數捐畀「願望成真基金」，幫重病兒童圓夢。隻碟仲係立體城堡造型，Kelly都心動想收藏！
KellyChu
義工隊與300名師生開Party。
