KellyChu - 乒乓球星雲集紅館 賽前晚宴抓沙包夠「地道」 | Executive日記
KellyChu
6小時前
字體大小
世界乒乓球職業大聯盟（WTT）年終總決賽，首度落戶香港舉行，昨起一連5日於紅館展開。各位參賽球手亦早已來港準備，賽會周一先舉行抽籤儀式，晚上再辦歡迎晚宴，讓選手們喺交手之前互動破冰，聯誼場面好不歡樂。
賽會昨早於社交媒體上載歡迎晚宴片段，從畫面中見到大家除咗享受美食，活動現場仲有唔少趣味遊戲，多位外國選手都一齊試打麻將，笑得好開心；孫穎莎、張本美和、王曼昱等人則挑戰抓沙包小遊戲，考驗眼明手快，玩得相當盡興。孫穎莎從扭蛋機扭出一個小玩意後更一臉滿足。巴西名將卡達拉奴等人也得到具有本土文化特色嘅小掛件。希望各位好手都享受今次香港之行，場內場外都play hard喇。
KellyChu
孫穎莎扭蛋好開心。
最Hit
更多文章
