KellyChu - 「HELLO！故宮」巡迴校園 VR 360度沉浸式欣賞古建築 | Executive日記
KellyChu
3小時前
字體大小
創新科技突破地限，有冇諗過身在香港都可以睇到北京故宮瑰寶？北京故宮博物館即將喺本港舉辦為期4年嘅「HELLO！故宮」大篷車進校園計劃，通過「數字化展品互動體驗車」同「社教體驗箱」，每年到30間本地學校巡迴展出故宮數字化文物。
「數字化展品互動體驗車」內暗藏玄機，設5大展區，利用互動觸控屏幕、虛擬實境裝置等科技，讓學生學習故宮建築、飲食、文物、服飾等文化，融合藝術與科技，以沉浸式體驗推廣中華文化。
至於另一重點之作「社教體驗箱」，就採用宮殿建築特色設計頂部同天花板，亦會展示故宮建築模型，學生可以觸摸平日遙不可及嘅宮殿脊獸，更加可以利用VR科技，360度咁欣賞故宮角樓。
文體旅局局長羅淑佩昨日親自嘗試VR眼鏡，大讚「Hello！故宮」大篷車進校園計劃，透過藝術與科技的融合，用創新嘅方式推廣中華文化，相信會激發年輕一代對中華文化嘅興趣。
KellyChu
羅淑佩親自試玩VR眼鏡。
最Hit
更多文章
