Cally - 信和集團全港首個社區跑步計劃「S+ Urban Run都會跑」計劃正式啟動 | 商界講呢啲

Cally

4小時前

內容

　　身邊愈來愈多朋友愛上跑步，無論有無約人都跑得，彈性高又自由。信和集團全港首個商場社區跑步計劃「S+ Urban Run都會跑」早前（10月17日）正式啟動，喺尖沙咀中港城進行首場「街跑」活動，象徵集團進一步邁向締造健康生活社區。

　　信和集團資產管理董事蔡碧林女士致辭時表示，隨住港隊近年喺奧運、亞運等國際性賽事屢創佳績，加上香港將首辦第十五屆全國運動會，信和集團積極回應社會召喚，一早已經喺旗下商場落實多項結合健康、社區與文化措施，例如連續多年贊助中國香港體育舞蹈總會霹靂舞分部喺奧海城舉辦香港霹靂舞代表隊選拔賽，喺屯門市廣場增設天台運動設施，為推動新興運動匹克球喺黃金海岸酒店加設符合國際標準訓練場，又喺LANDMARK SOUTH及朗壹廣場引進相關商戶；促進運動經濟，帶動與體育有關產業嘅發展，為香港經濟注入新動力。

　　以「連結每一步」為號召，「S+ Urban Run都會跑」成功吸引過千人透過S+ REWARDS獎賞計劃登記成為會員，反應熱烈。其中超過150名會員參與首場「街跑」活動，同時獲多位跑步界名人支持，包括香港女子馬拉松紀錄保持者姚潔貞、中國香港田徑總會教練陳家豪、前體育新聞主播伍家謙、前香港三項鐵人代表司徒兆殷等。由10月開始，計劃將每兩個月一次喺指定信和集團商場辦街跑。為鼓勵大家持續運動，由11月起奧海城及屯門市廣場率先推出跑步訓練課程，詳情將喺「S+ REWARDS 」應用程式公佈。