KellyChu - 注入功夫打鬥打麻將元素港芭《羅密歐＋茱麗葉》舞出港式愛情故事 | Executive日記

KellyChu

11小時前

內容

　　莎士比亞經典故事《羅密歐與茱麗葉》，若是以香港為背景展開，會是怎樣的景象？香港芭蕾舞團由昨日起一連三日帶來嘅表演就畀咗大家一個滿分答案！Kelly昨晚有幸在現場見證精彩演出，新穎嘅編排在這個西方愛情故事中加入香港特色，以頗具藝術水平嘅舞蹈展現，在俄羅斯作曲家浦羅哥菲夫戲劇性嘅音樂中，為觀眾帶來創意激蕩嘅獨特體驗。

　　香港芭蕾舞團嘅《羅密歐＋茱麗葉》舞劇，由芭蕾舞團藝術總監衛承天改編，以60年代嘅香港為背景，講述上海大亨之女茱麗葉，膽敢戀上父親死對頭嘅獨子羅密歐，又面臨父母之命要下嫁外籍富豪嘅故事。舞劇曾於2023年巡演美國，當時紐約及北卡羅萊納州兩地觀眾反應熱烈，一票難求，上月亦獲邀於「香港周2025@首爾」作為開幕演出，至本月回港，於昨日起一連三日在香港文化中心大劇院上演共5場演出。

　　舞台上，表演者帶來一段段好有藝術水平嘅舞蹈，間中融入功夫打鬥、打麻將等環節，甚至有老夫子出埸，而舞台背景包括充滿懷舊氣息嘅舊樓、霓虹招牌及中式裝潢等，既是經典嘅西方故事，又巧妙結合香港元素，嶄新嘅編排令演出綻放出別樣特色。在浦羅哥菲夫嘅經典樂章中，小妹被表演所深深折服！

KellyChu