Cally - 龔慈恩林愷鈴母女檔為澳門拍短劇初做對手無壓力拍攝回憶往日事 | 商界講呢啲

Cally

2025-10-10 02:00 HKT

內容

　　龔慈恩及林愷鈴（Ashley）早前接受澳門特別行政區政府旅遊局邀請，以處境短劇介紹澳門。不過唔講唔知，龔慈恩同林愷鈴呢對母女咁耐以嚟都未試過喺電影或電視劇做過對手戲，呢次合作都算係一個突破。

　　難得有咁嘅機會，Cally當然要問問兩位當事人嘅感想。Ashley話唔單止冇壓力，過程好似拍紀錄片，至於媽媽龔慈恩就話同囡囡關係似朋友，但有時會不自覺提高要求：「其實我好錫佢，錫個女多過自己，所以要求會不自覺高咗，但呢個年代可能唔咁適合，而家個女好成熟、係有能力嘅個體，所以有時我過分咗，我都會同佢道歉。」

　　提到難忘場面，Ashley同龔慈恩都回憶起舊事。「一次在澳門拍攝期間下大雨，媽媽雨中拿着一袋二袋戰利品迎面跑來的一幕諗起童年時，媽咪成日帶我哋周圍闖。」龔慈恩就指：「我拍劇、拍電影第一次做女主角，都係喺澳門拍攝，所以澳門呢個地方對我嚟講特別有深厚感情。」