KellyChu - 洛基雷神驚喜現身玩轉「最惡」互動 迪士尼「惡人接管」 萬聖派對華麗登場 | Executive日記
KellyChu
2025-09-20 02:00 HKT
字體大小
香港迪士尼樂園度假區踏入20周年，正在舉行20周年奇妙派對慶祝之際，一班迪士尼惡人竟然在萬聖節來臨前反客為主。黑魔后、紅心皇后等一眾惡人喺即日起至11月2日舉行嘅「Disney Halloween Time」華麗登場，從遊行、舞台騷到互動晚宴，全部由惡人接管，掀起一場惡人狂歡派對。熱愛萬聖氣氛嘅Kelly，當然悉心打扮，親身來到園區感受呢場最「惡」嘅萬聖派對！
鍾意打卡嘅賓客一定唔會失望，黑魔后聯同11位惡名遠播嘅迪士尼惡人，包括紅心皇后、灰姑娘後母等，將會喺藤蔓與煙霧之中踩入美國小鎮大街；當然唔少得米奇、米妮喺大街同大家見面，而Duffy同一眾好友亦會齊齊換上萬聖新裝。園內仲設有多個Trick-or-Treat趣玩站，賓客可以邊玩邊收集糖果，體驗地道萬聖節氣氛。
此外，經典節目《惡人舞動迪士尼》載譽回歸。海女巫烏蘇拉等惡人輪流登場，觀眾可以一次過感受到多位惡人嘅舞台魅力。而樂園唔同角落仲會出現正邪對碰，例如邪惡皇后遇上白雪公主、紅心皇后同愛麗絲同場出現，甚至連Marvel角色洛基同雷神都會現身，為遊人帶來驚喜互動。
除咗演出，主題餐飲都充滿萬聖特色。例如「阿Jack怪誕大餐」有4道菜，由吸血巫湯到棺材造型甜品，配合Jack、莎莉等角色近距離互動，鬼怪體驗十足！晚餐之後，Kelly仲參加咗夜版《森林河流之旅》，燈光昏暗，配合船長講述嘅神秘故事，令整個航程添上幾分詭譎氣氛。Kelly玩完覺得一次唔夠，如果大家用「雙重暢玩」優惠，可以兩次入園盡情體驗，一齊同惡人玩轉迪士尼！
KellyChu
「阿Jack怪誕大餐」鬼怪體驗十足。
最Hit
向太怒揭雙面人巨星恐怖真面目：冰天雪地折磨老人家 連鄭佩佩都曾點名鬧爆 嫌疑人呼之欲出？
2025-09-20 17:20 HKT
40歲男星養家捱到病終爆煲 上載病容照：半死狀態 轉行打基層工頭髮斑白飄滄桑感
2025-09-20 16:30 HKT
更多文章
