KellyChu - 設沙池遊戲塔草地區讓孩童「放電」啟德園「五行童樂園」啟用免費任玩 | Executive日記

KellyChu

17小時前

內容

　　一家大細今個暑假又有多個好去處！啟德體育園即日起，朝九晚九免費開放「五行童樂園」，設有沙池、攀石牆、滑索、噴水池，仲有兩座外形似「大樹」嘅10米高遊戲塔，小朋友可在「樹幹」內攀繩網而上，童樂園一帶亦有草地區，既可玩又可野餐休憩一番。

　　Kelly率先同大家行咗一圈，發現佔地逾4300平方米嘅「五行童樂園」，分為金、木、水、火、土，共5個區域，融合中國傳統「五行」嘅概念。但最令Kelly驚喜嘅係，園內特別設計適合輪椅人士嘅沙池及彈床，可以連人帶輪椅感受彈床嘅躍動。啟德體育園行政總裁莊澤基就話，希望為小朋友創造安全、有趣、創新嘅遊樂環境，激發孩童嘅無限創造力，亦鼓勵大家鍛煉體能同培養社交。

　　其實上月啟德體育園，已經推出有蓋硬地球場同沙灘排球場，網球場即將喺第3季啟用。場地可以用嚟進行多種城市運動訓練、舉辦專業賽事同社區活動，鼓勵全民運動。呢三個戶外場地將開放畀「啟德體育園之友」會員預訂使用。呢個暑假，不妨跟Kelly一齊揮灑汗水！

KellyChu