KellyChu - 東鐵綫職員頭等座查票 揭車廂半數乘客涉逃票 | Executive日記
KellyChu
2025-08-08 05:39 HKT
字體大小
記得小時候大家都會叫東鐵綫做火車，坐頭等車廂要喺月台拍八達通支付額外費用，Kelly細細個就有呢個概念。不過最近有乘客親眼見證港鐵職員喺東鐵綫頭等車廂查票，表示車上好多人都冇俾到額外費用，列車去到下個站嘅時候，差唔多半個頭等車廂嘅乘客都被帶走，情況令人咋舌。唔少網民表示支持查多啲飛，避免有人側側膊唔多覺。
發文乘客表示，自己落大雨時返屋企，對鞋對襪都濕晒，希望可以坐吓，因此揀咗進入頭等車廂，就喺車上第一次見證職員查飛一幕。佢描述當時情形說，職員用部機俾乘客嘟一下八達通便知對方有冇支付額外費用，部分長者扮不知情：「乜呢度要另外俾錢？」有年輕人就話：「明明我頭先係有比架喎！」有啲成年人就表示：「我轉頭俾返，頭先唔記得咗俾！」最後去到下一站，差不多半個頭等車廂嘅人都被帶走。
有人留言稱大快人心，並支持要加強查票，「講咁多藉口有咩用，根本成日博無人check。外國查飛個啲仲要着便衣，完全唔會俾你解釋，你無買車飛就即罰錢。」Kelly喺歐洲乘搭公共交通工具時亦多次遇過職員查飛，總會有人唔買飛就上車，有時車上人多未查到佢哋，到達下一個站時便突然有大量乘客落車，逃之夭夭。
日前更有網紅喺會展站目擊一家四口懷疑衝閘，表示當時只見一名成人已付款過閘，隨後準備「衝多兩個小朋友入去，咁都未夠，閘外面嗰位大人其實都冇買飛」，4人好快被職員攔住，職員亦耐心教導佢哋要逐個俾錢先可以搭地鐵。
KellyChu
最Hit
一個月連執6間酒樓！連鎖店/高級中菜/街坊酒樓都出事 網民熱議：執笠會有這徵兆......
2025-08-09 13:00 HKT
港島新張即撈海鮮放題！「西城水產」$268起任食M5和牛/花蟹/鮑魚/蟶子
2025-08-09 12:00 HKT
數據揭港人旅遊模式轉變 三個長途旅點增幅超1倍 「港人傾向到訪新目的地」
2025-08-09 14:56 HKT
神秘背景｜澳洲23歲華裔女揸勞斯萊斯撞車 「無IG無領英」掀熱議
2025-08-09 10:39 HKT
更多文章
