KellyChu - 东铁线职员头等座查票 揭车厢半数乘客涉逃票 | Executive日记
KellyChu
2025-08-08 05:39 HKT
字体大小
记得小时候大家都会叫东铁线做火车，坐头等车厢要喺月台拍八达通支付额外费用，Kelly细细个就有呢个概念。不过最近有乘客亲眼见证港铁职员喺东铁线头等车厢查票，表示车上好多人都冇俾到额外费用，列车去到下个站嘅时候，差唔多半个头等车厢嘅乘客都被带走，情况令人咋舌。唔少网民表示支持查多啲飞，避免有人侧侧膊唔多觉。
发文乘客表示，自己落大雨时返屋企，对鞋对袜都湿晒，希望可以坐吓，因此拣咗进入头等车厢，就喺车上第一次见证职员查飞一幕。佢描述当时情形说，职员用部机俾乘客嘟一下八达通便知对方有冇支付额外费用，部分长者扮不知情：「乜呢度要另外俾钱？」有年轻人就话：「明明我头先系有比架㖞！」有啲成年人就表示：「我转头俾返，头先唔记得咗俾！」最后去到下一站，差不多半个头等车厢嘅人都被带走。
有人留言称大快人心，并支持要加强查票，「讲咁多借口有咩用，根本成日博无人check。外国查飞个啲仲要着便衣，完全唔会俾你解释，你无买车飞就即罚钱。」Kelly喺欧洲乘搭公共交通工具时亦多次遇过职员查飞，总会有人唔买飞就上车，有时车上人多未查到佢哋，到达下一个站时便突然有大量乘客落车，逃之夭夭。
日前更有网红喺会展站目击一家四口怀疑冲闸，表示当时只见一名成人已付款过闸，随后准备「冲多两个小朋友入去，咁都未够，闸外面𠮶位大人其实都冇买飞」，4人好快被职员拦住，职员亦耐心教导佢哋要逐个俾钱先可以搭地铁。
KellyChu
最Hit
台游客发现港铁指示牌隐藏功能！简单2步显示目的地导航 港人震惊：搭咗地铁几十年都唔知
2026-01-29 17:13 HKT
黄埔天地「幸福缘定桃花园」 新春多元活动吸人流
2026-01-28 18:44 HKT
长者生活津贴2026｜长生津/生果金（高龄津贴）拟加2.2%！即睇最新金额/申请资格 资产过上限可善用年金计划?
2026-01-28 16:41 HKT
长者乐悠咭专享新春优惠！易赏钱大派$600利是 百佳、屈臣氏、丰泽消费即享
2026-01-29 12:08 HKT
更多文章
