KellyChu - 政府活用科技抗極端天氣 「龍吸水」出動極速清積水 | Executive日記
KellyChu
17小時前
字體大小
近年夏季，香港出現極端天氣情況次數越來越頻密，有見及此，政府亦開始善用先進科技應對。這兩天，渠務署就出動了今年購入嘅強力排水機械人「龍吸水」到多區處理水浸問題，「龍吸水」不消一兩小時就將積水清理完畢，展現科技嘅速度。政府引入強力排水機械人嘅決定真係「超前部署」。
政府新聞處指，渠務署前晚10點35分啟動緊急事故控制中心，共派出180隊緊急應變隊伍在全港各區處理水浸個案及清理渠道，期間動用包括3部「龍吸水」。其中瑪麗醫院在昨早約9時半，因醫院範圍內部分道路出現嚴重水浸，影響急症室服務，渠務署緊急應變隊伍趕至現場，並出動「龍吸水」協助清理積水，至11時許完成疏導，急症室服務也在中午12時回復正常。
網民好奇「龍吸水」吸完啲水係排去邊，從新聞處昨日凌晨發布將軍澳敬賢里水浸個案嘅片段可見，機械人吸水期間會接上大水喉，由工作人員協助牽引到渠口，將積水排走。
渠務署4月時投入少於300萬元引入4部排水機械人，當中性能最強大嘅就係「龍吸水」，每小時吸水量最高達800立方米，其造價在100萬元內，可連續工作8小時，並足以應對等同黃大仙商場地庫水浸級別情況。如果4部機同時出動，短時間內便可抽乾一個標準泳池水量。
機械狗精準滅蚊
此外，由於近期基孔肯雅熱在大灣區肆虐，食環署也部署於下個月派出機械狗滅蚊，該機械狗能夠偵測並避開障礙物，由操控員透過實時鏡頭發出精準指令，在山林中噴射滅蚊劑，毋須從業員背負沉重噴灑器攀山越嶺，可大大提升滅蚊效率。
KellyChu
最Hit
