KellyChu - 尖沙咀K11 MUSEA設3大收費區還原漫畫名場面「CHIIKAWA DAYS」3巨型主角與粉絲見面 | Executive日記

KellyChu

19小時前

內容

　　CHIIKAWA粉絲萬眾期待嘅「CHIIKAWA DAYS」大型特展，昨日正式喺尖沙咀K11 MUSEA登場，展覽分為3大收費區，其中坐落星光大道海傍嘅「大型討伐！名場面造型集合」展區，3個9米巨型充氣雕塑有主角Chiikawa、小八及兔兔（Usagi），超級可愛吸睛，絕對係粉絲入場必到嘅打卡點，同場亦集合多個立體雕塑，生動呈現漫畫中嘅超人氣名場面，滿足大家打卡願望。

展期延長一周 8．31結束

　　室內展廳「吉伊卡哇的可愛全日常」位於商場地下，分為食、住、行3個主題，重現例如可以無限添飯嘅「地底電飯煲」，擁有溫馨、勵志氛圍嘅「郎」拉麵店，並特設香港限定「飲茶」空間，亮相「飲茶」系列CHIIKAWA角色。在「住」區域則有主角們嘅生活場景，包括Chiikawa在屋內溫習、主角3人被困監獄等，將動畫情境帶到現實重溫。而位於商場6樓嘅戶外展區「超巨大食物之森空中樂園」，有主角們遇上蛋包飯、布甸等巨大化食物嘅充氣雕塑供打卡。

　　為咗令更多粉絲有機會入場參與，主辦單位昨日宣布延長展期一周，至本月31日結束，昨日下午5點起於KLOOK平台獨家發售門票。港鐵尖東站更喺部分閘機加入可愛CHIIKAWA布置及動畫主題聲效歡迎乘客，相當驚喜有趣！

KellyChu