KellyChu - 籌千萬資金 逾1500人落單支持 中國神奇「激光滅蚊器」 0.003秒鎖定擊斃 | Executive日記
KellyChu
2025-07-30 02:00 HKT
字體大小
最近「基孔肯雅熱」喺大灣區多個城市肆虐，深圳日前也出現首宗確診，現時只剩香港和惠州「倖免」，政府已採取多項措施嚴防基孔肯雅熱在本地傳播。小妹發現一款高科技「激光滅蚊器」，能瞬間感應蚊子並發出激光將牠消滅，據悉係由一名來自江蘇常州嘅男子和其團隊研發，佢哋已成功在美國眾籌網站籌集到逾1000萬港元資金，將於今年10月開始出貨，支持者紛紛表示期待。
當蚊子飛進呢個滅蚊器嘅感應範圍，滅蚊器便能夠在0.003秒瞬間鎖定目標，並發出激光將蚊子消滅。據產品介紹，滅蚊器嘅掃描和操作角度範圍高達90度，基礎款有效工作半徑為3米，專業款有效工作半徑為6米。兩者價錢分別係3905港元及4937港元，其中專業款已有超過1500人落單，預計10月開始出貨，並支援全球運送。
Kelly觀看產品示範片段時，只見每有蚊子飛進呢個滅蚊器面前，便即刻被雷射光攻擊，蚊子身上冒出輕煙並落在地上，可謂滅蚊「神槍手」，百發百中，殺蚊不眨眼。唔少外國網友讚歎呢款神器實在太強，加上產品設計支援使用「尿袋」充電，方便用家攜帶到戶外空間滅蚊，有人就話屋企嘅後園好需要佢，仲有網友打算帶埋佢去露營保護自己。
但亦有人擔心產品會射殺埋其他動物，研發團隊就喺眾籌網站INDIEGOGO註明，當滅蚊器辨識到大於2公分嘅移動物體，係不會視為攻擊目標發射激光，而且雷射能量嘅強度不足以傷害人類皮膚，最快2毫秒內即可識別。
KellyChu
滅蚊器能發出激光將蚊子消滅。
最Hit
更多文章
