KellyChu - 幹探一杯水揪真兇 康樂園案今續揭秘 | Executive日記
KellyChu
3小時前
字體大小
Kelly昨日同大家介紹《走進奇案現場》系列最新一輯「康樂園滅門案」，講述呢宗曾經喺1982年轟動一時嘅案件，一連4集內容解密探員如何在當年科技落後嘅年代，憑經驗同智謀逐步揪出真兇及還原真相，最後兩集今日亦將播出。
當時康樂園兇案現場除了三母子屍體外，只有一些凌亂嘅證物包括馬經、煙頭及無指模嘅古怪掌紋。警方推斷兇手可能喜歡抽煙及賭馬，來自低下階層，估計與裝修工有關。但康樂園於1980年3月分階段入伙後，參與裝修工程嘅工人成千上萬，要從中搵到真兇真係等同大海撈針。
退休幹探和哥就想到屋內嘅古怪掌紋，用一杯水令兇手露出馬腳。佢叫同事盡量盤問多啲，拖長嚟傾，助查人士一口乾就會飲水，掌紋自然印喺玻璃杯上。結果證實其中一名助查人士姜善治嘅掌紋，與兇案現場一模一樣。姜善治被捕後承認潛入嗰間屋，但死口唔認殺人，不斷作故仔推卸罪責。
喺案情重組當天，和哥察覺到姜善治好避忌望到大廳上三母子遺照，靈機一動要佢直視遺照，姜善治最終難抵良心責備，一五一十交代案情。
KellyChu
打開《星島頭條》App，追看或重溫精彩內容喇！
最Hit
真創意！港媽巧用「轉數快」奇招尋銀包失主 連登仔讚爆：真係得香港人先做到咁高質素！｜Juicy叮
2025-07-08 17:30 HKT
大埔康樂園滅門案‧一｜男戶主最恐怖一夜 妻被勒死子女掛屍浴室
2025-07-09 00:01 HKT
更多文章
