KellyChu - THE CHAMPION開幕 100米吧枱美味之旅 啟德園64個啤酒龍頭任你隊 | Executive日記
KellyChu
14小時前
字體大小
Kelly收到風，啟德體育園今日有新搞作——運動酒吧「THE CHAMPION」正式開幕，有得飲、有得食、仲有得玩！最吸睛嘅係全長100米嘅吧枱，裝有64個啤酒龍頭，周末喺吧枱搞自助餐，直情係「跨越100米的美味之旅」。
酒吧設有12個恆溫啤酒庫，可存放5.4萬公升啤酒，賽事及活動期間透過輸送管，即時供應新鮮啤酒。不過作為吃貨，Kelly最關心的還是美食，周末自助早午餐橫跨50米吧枱，提供壽司、薯條、芝士同各式扒類等美食，仲有50米長嘅飲品區，提供多款雞尾酒、紅白酒、烈酒、啤酒和無酒精飲品！Kelly特別推介Raising the Game「香港主場」特色雞尾酒，鹹鹹嘅口感象徵通往成功之路付出嘅汗水和犧牲，一絲甜味則象徵旅途令人滿足嘅回報，這款飲品慶祝我哋喺「香港主場」取得里程碑！
娛樂方面有電子飛鏢賽道、美式桌球枱和桌上足球機。同Kelly一樣，最近好多人因畢彼特主演的新戲投入F1賽事，酒吧也趁熱打鐵，7月底更會新增兩部可沉浸式體驗的一級方程式模擬駕駛器。場內25部特大螢幕電視會直播全球賽事，周三至周日有樂隊同DJ駐場。無論係睇波、放工chill定周末聚會都幾啱，Kelly已經mark定日子，準備同朋友去豪飲狂歡啦！
KellyChu
「香港主場」特色雞尾酒。
更多文章
