KellyChu - 接受《英文虎報》專訪 意總領事：3建築巨匠將登場「設計營商周」 | Executive日記
KellyChu
6小時前
字體大小
去意大利旅行，相信大家唔會錯過參觀羅馬鬥獸場、百花大教堂等地標，皆因意大利人建築藝術造詣極高，世界聞名。今年12月，由香港設計中心主辦嘅年度業界盛事「設計營商周」，邀來3位大名鼎鼎嘅意大利建築師：Michele De Lucchi（下圖）、Carlo Ratti和Mario Cucinella擔任演講嘉賓，向環球觀眾分享真知灼見，一起交流前瞻設計思維。
意大利駐港總領事費文浩（Carmelo Ficarra）昨日接受《英文虎報》專訪時透露上述消息。佢指，意大利係今年「設計營商周」嘅合作夥伴國，許多籌備工作正推展中，在此之前，一系列包括室內設計、珠寶、電影修復、設計教育同皮革工作坊等主題活動已安排就緒。
據介紹，Michele De Lucchi於Cavart、Alchimia和Memphis等流派中舉足輕重，佢為意大利和歐洲最著名嘅公司設計燈飾和家具，並於意大利和海外進行建築項目。Carlo Ratti則是城市規劃領域被引用最多的十大學者之一，也是美國領先設計師之一。Mario Cucinella更領銜設計今年大阪世博會嘅意大利館。
意大利亦同本港多間大專校院有合作關係，包括理大設計學院、HKDI等。費文浩強調，同關鍵持份者保持緊密聯繫相當重要，不但要在香港推廣意大利設計，亦要促進兩地更廣泛嘅交流。嚟緊10月，香港文化中心大劇院將呈獻享負盛名嘅意大利歌劇作品《阿伊達》；香港藝術館也將負責下一屆威尼斯藝術雙年展香港館嘅策展。兩地文化交流越趨頻繁，為世人示範良性友好嘅外交關係。
KellyChu
更多文章
