KellyChu - 250珍品首來港 展至明年8月 「古埃及文明大展」11‧20登陸故宮館 | Executive日記
埃及古文明可追溯至距今5000年前，比中國文明起源早至少2000年！香港故宮文化博物館將於11月推出「古埃及文明大展：埃及博物館珍藏」，長達9個半月嘅展期，匯集250件來自7間埃及重要博物館嘅珍貴藏品，且所有藏品都係第一次嚟到香港展出，當中唔少更係未曾離開過埃及，彌足珍貴。同Kelly一樣喜歡探索世界歷史文明嘅朋友，記得緊貼活動消息喇。
故宮館周四與埃及最高文物委員會簽訂合作協議，雙方將於11月20日至明年8月31日呈獻是次重磅大展，這亦將是香港歷來規模最大、內容最全、展期最長嘅古埃及文物珍寶展。計劃亮相嘅250件文物，涵蓋法老與諸神雕像、浮雕、石碑、黃金飾物、大型成套木乃伊棺和動物木乃伊等，展品年代距今約7300至2000年不等。
當中焦點文物包括：圖坦卡門巨像、書吏坐像、芭絲特持叉鈴像、貓木乃伊、河馬像、人形棺、狒狒形圖特像、復活的歐西里斯像等。圖坦卡門年僅9歲登基，18歲驟然離世，雖在位短暫，但推翻一神教宗教改革，對後世影響深遠。其陵墓於3000年後，1922年才首次被英國考古學家發現，並出土數千件稀世珍寶，舉世震驚，亦令圖坦卡門成為現代最著名嘅法老。
古埃及人對貓極為崇拜，芭絲特持叉鈴像實際上係一位貓女神，佢同時被視為擁有戰爭力量、女性溫柔和能歌善舞一面。貓木乃伊正係芭絲特女神嘅化身，作為神聖動物之一，貓被古埃及人大量飼養並製成木乃伊獻予芭絲特女神，以祈獲得庇佑。
埃及最高文物委員會秘書長Mohamed Ismail Khaled表示，同故宮館簽署嘅不僅是一份協議，更開啟了一扇通往5000多年文明嘅大門；是次250件展品係佢哋最珍貴嘅一批文物，反映「文明遺產屬於全人類」嘅共同信念。佢期待來自香港以及亞洲和世界各地嘅遊客，透過是次展覽體驗埃及和古埃及嘅美妙。
KellyChu
