KellyChu - 去年試鏡未能入圍 混血美少女廣告接不停 Aisha失落港姐選美 變身模特兒竄紅 | Executive日記
KellyChu
2025-06-27 02:00 HKT
字體大小
民建聯區議員莊雅婷現身TVB港姐選舉面試，不足24小時就宣布退出，令Kelly想起去年也參選港姐嘅倪舒雅（Aisha），雖然佢最終未成功入圍，但憑着混血兒美貌及青春甜美形象，吸引不少廣告商青睞，一年便接下十幾個廣告，好犀利。所以參選港姐不成功，「塞翁失馬，焉知非福」。
Aisha上年參加港姐面試以17歲之齡登場，而作為中美混血兒，更被傳媒稱為「翻版樂基兒」。Aisha活潑可愛又甜美嘅外表，大家都不禁評論一句：青春無敵！問及Aisha當時點解會參選，佢話嗰陣啱啱返嚟香港發展，媽媽想佢識多啲朋友，學習儀態同待人接物，最重要係快啲適應香港嘅生活節奏及環境。
Aisha坦言，經過呢一年，已經找到適合自己嘅生活環境及工作模式，上年參加完港姐面試，雖然未能入圍，但多咗人認識自己，多咗機會接觸到不同品牌及拍攝工作。佢喺過去一年，為旅發局、迪士尼Halloween、Uber Taxi、Starbucks等不同品牌拍攝廣告，亦參加咗多個商場活動及拍攝，廣東話都進步咗好多，Aisha表示：「日常生活的用語聽同講都好咗好多，但如果要記台詞我就需要啲時間練習，會繼續努力。」虛心學習，又認真工作，果然係美貌與智慧並重。
KellyChu
Aisha雖未入圍港姐，但憑混血兒美貌及甜美形象，吸引不少廣告商青睞。
更多文章
