一派東涌新公屋唔要 極速二派荃灣舊屋邨 準戶主擬「博三派」 網民痛惜：由天堂跌落地獄｜Juicy叮

有公屋申請人早前獲一派最快於2029年接通港鐵的東涌新公屋翔東邨，但幾經考慮後決定放棄；接著極速於1個月內獲得二派，但卻是不合心水的荃灣47年高樓齡屋邨。在「好煩惱」下擬「博三派」，希望最終能住上心儀的安樂窩。

網民對樓主當初拒絕一派翔東邨的決定大感痛惜，直指「派新樓俾你仲要揀」，形容如今的情況好比「由天堂跌落地獄」；不過有網民反稱，自己幾鍾意樓主獲二派的舊屋邨，指區內空氣好。詳情見下圖及下文：

一派東涌翔東邨唔要 極速二派荃灣象山邨逐張睇↓↓↓↓

一派東涌翔東邨考慮幾天拒絕

4人家庭的樓主上月底在facebook群組「公屋討論區 - 香港facebook群組」上載「配房通知信」相片，留言指「擴4一派東涌翔東邨考慮了幾天拒絕，二派象山邨（編按：位於荃灣的象山邨於1978年至1979年間落成並入伙）3樓，沒猶豫即刻打算拒絕，剩下第三次好煩惱」。

在回應網民查詢「幾耐二派？」時，樓主稱「20幾日就二派啦」，並補充「東涌就考慮咗好耐才放棄，象山就不想，好唔方便，咩設施都冇」。有好心的網民於是提問「你想要邊度？幫你集氣」，樓主爽快回應指「最緊要交通方便啲，附近有設施就OK啦，象山係咩都冇」。

網民：翔東唔差守多幾年有地鐵

綜合意見，先說樓主獲一派的翔東邨，網民認為：

•我寧願要東涌；
•抵死，派新樓俾你仲要揀；
•梗係東涌喇，遲啲喺地鐵站附近
•由天堂跌落地獄一樣，唔要東涌派象山；
•其實翔東真心唔差，守多幾年就有地鐵…；
•東涌咁好都唔要，再過3年附近有地鐵站了；
•東涌雖然遠啲，但係新樓，點都好過派舊樓；
•咪就係囉，派到新屋佢都唔要，出邊荃灣區啲樓全部好舊；
•東涌東未來大發展區，人哋迎東邨已做開荒牛幾年，就快望到開地鐵；
•東涌係好住，空氣好，寧靜，又新樓；出市區真係好唔方便，交通費貴，時間長。兩難；
•好多人都係咁，派了好嘢都不知？以為次次可以派喺地鐵站則邊！今次是派去未來地鐵站則邊，唔要；
•好多人見東涌就話遠，我30幾年前入天水圍都係開荒牛，慢慢就愈住愈好，依家又有輕鐵、西鐵、巴士超方便！；
•翔東都不要真係抵，2029年可以叫做地鐵站屋邨，人哋計劃起站都用了十多年，就快起好居然不要！40分鐘去中環、老尖、旺、深水步、荃灣、青衣、機場、高鐵、港珠澳、屯門，窮人計你去邊度搵呀？其實如果做嘢是東涌線附近，跟本去邊度都方便，機場面向國際，高鐵去盡全國！不要真可惜！

幾好10分鐘到荃灣街市

至於樓主獲二派的象山邨，有網民把事件一碼一碼攤開分析，稱：

•我二派派咗象山，其實幾好，交通都方便，10分鐘去到荃灣街市；
•最緊要睇返工返學問題，第二先考慮新樓同舊樓及環境。我幾鍾意象山邨，空氣好。可以行落去石圍角及綠揚，行去地鐵又近。無可否認條邨無嘢買，一間超市；
•仲有地區同交通配套，都係好緊要嘅，舊樓我覺得唔太大問題，反正又唔係住喺出面，入面自己裝修到企理就OK；
•如果兩個（東涌和荃灣）地點（小朋友）都需要轉校，咁就要睇幾個point（點） 。第一車費，第二校網。因為返工返學時間車費都緊要；
•好睇樓主自己返工同活動範圍，有小朋友嘅，更加要考慮埋校網，仲要睇埋佢而家幾年級，除非返機場或東涌周邊，如果唔係，我會覺得（東涌）去邊度都遠同貴，時間都係錢嚟㗎；
•象山都算近市區，出入到要搭一程車上落，都係唔方便，樓又舊，都應該放棄。

相關閱讀：申請公屋獲派極上品邨-打工仔竟想放棄網民挖出驚人錯配原因

樓主擬「博三派」網民各有看法

對於樓主擬「博三派」，有網民睇好，有人卻持相反意見：「可能第三派會好，唔好都硬食」、「已經拒絕頭兩派，三派點都要硬食」、「所以而家樓主一定好頭大，希望佢三派順利」、「三派硬食佢一定比豬頭骨你，最好嘅東涌都俾咗你」、「博第3次啦，好唔好到要咗先，頂住先；睇下有無機會換綠置居或居屋」。

根據房署資料，全港公共屋邨主要分布在4個區域，分別為 ：(a) 市區（包括港島及九龍）；(b) 擴展市區（包括東涌、沙田、馬鞍山、將軍澳、荃灣、葵涌及青衣）；(c) 新界（包括屯門、元朗、天水圍、上水、粉嶺及大埔）；及(d) 離島（不包括東涌）；而申請人可更改選擇的區域。

至於公屋申請人於編配房屋時可享最多3次機會（每次編配一個單位），獲編配位於所選擇區域的公屋單位。如果拒絕全部3個配屋建議，必須提出可接納的理由，否則申請會被取消。因此，申請者口中的「一派」、「二派」、「三派」，即是選擇單位的機會。

東涌綫延綫預計2029年竣工

另根據港鐵資料，東涌綫延綫於2023年5月動工，項目預計於2029年竣工。東涌綫延綫項目包括兩部分，一是「東涌東段」：於欣澳站及東涌站之間建造長約1.2公里的新鐵路路段及進行路軌改道，並於東涌東填海區新設東涌東站；二是「東涌西段」：現有東涌站的鐵路隧道向西延伸約 1.3 公里，並於逸東邨附近新設東涌西站。

資料來源：Siyan Lin＠facebook

相關閱讀：東涌新公屋翔東邨開派 「派房通知信」接連亮出 網民列3大優點：幸運中嘅天花板↓↓↓↓

位於東涌東填海區，快將落成的新公屋翔東邨近月開派，不少網民已在facebook群組「公屋討論區 - 香港facebook群組」亮出獲派翔東邨的「派房通知信」。

近日有居於附近的東涌街坊特地拍下翔東邨外貌，以「翔東邨現況」為題，在「公屋討論區 - 香港facebook群組」上載多張相片，同時掀起正在等候上樓網民一番一旦獲派翔東邨的「要」與「不要」討論↓↓↓↓