KellyChu - 金管局「精明長者計劃」抵抗騙徒 14銀行推「智安存」護長者老本 | Executive日記
KellyChu
15小時前
字體大小
各位老友記，是否成日有官員打來話你有封通知書仲未攞，Kelly提提你，呢啲都係騙徒的手段，唔小心真係會中招！今年首季度就發生13115宗相關騙案，按年上升9%！而金管局接獲的203宗詐騙相關投訴中，11宗涉及65歲以上長者，有人直接損失咗700萬元！為提升老友記防騙意識，昨日金管局聯同銀行公會合辦「精明長者防騙大使計劃」啟動禮，為下半年的長者防騙宣傳工作揭開序幕。
到本月底，有14間銀行會向長者及其他客戶提供「智安存」服務，老友記可自願設定某一限額存款，而在動用存款前，銀行職員會當面和你核實確保錢銀安全。到今年底，所有零售銀行也會全面推出「智安存」服務。 如果遇上騙案點算？「防騙三式」可以幫到你，包括「保持冷靜、乜都唔俾、核實求助」三招！
「精明長者防騙大使計劃」還會派員探訪全港18區長者中心，鼓勵老友記齊來做防騙大使！金管局即日起亦推出兩條以粵語長片為概念的宣傳短片，呼籲公眾提防受騙。
KellyChu
