KellyChu - 沉浸式體驗王族級奢華排場故宮館「天方奇毯」飛越歐亞非鄂圖曼帝國 | Executive日記

Executive日記

KellyChu

13小時前

生活專欄

內容

香港故宮文化博物館由明日起至10月6日推出「天方奇毯——伊斯蘭與世界文明的交織」特別展覽。

鄂圖曼帝國極盛時期同時橫跨歐亞非三洲，文化發展興盛。參觀香港故宮文化博物館最新特展「天方奇毯——伊斯蘭與世界文明的交織」，更得以感受當時伊斯蘭文化嘅豐盛多彩。是次展出嘅90件瑰寶，包括有地毯、瓷器、金屬工藝品、彩繪手稿及玉器等，其中77件係來自多哈伊斯蘭藝術博物館，不少藏品更係第一次喺該館以外地方展出。

　　Kelly昨天第一時間為大家探索呢個聽起來滿滿異域文化嘅展覽有何特別之處，原來除咗建築之外，地毯亦係伊斯蘭藝術中最大型嘅表現形式。今次參展嘅宮廷地毯當中，有15幅可謂巧奪天工，它們產自16至18世紀，其中一幅更是有450年歷史，為薩法維王朝蘇萊曼一世之「打獵」圖地毯。還有長約16米、現存全球博物館收藏最長嘅伊斯蘭地毯之一海得拉巴凱沃爾基安地毯；以及故宮博物院藏花瓣紋栽絨地毯，來自清乾隆年間新疆地區，為中國國家一級文物。

　　在展覽中還可以參觀到蘇萊曼一世所藏嘅《古蘭經》、難得一見嘅對開本波斯文學名著《列王記》，以及用來盛載禮物和珍寶嘅鄂圖曼鑲嵌木箱。展區還特別設置咗一個「大馬士革廳」，通過數碼裝置重現嘅接待室，令訪客可以沉浸式感受鄂圖曼精緻奢華排場。

　　整個展覽分成4個單元，展示咗自唐朝以來中國與伊斯蘭世界嘅跨文化交流，以及薩法維王朝、莫臥兒王朝和鄂圖曼王朝之間透過貿易、族群遷徙和外交所促進嘅藝術交流，展期由明日起至10月6日結束。

KellyChu