KellyChu - 全新天象節目穿越138億年勇闖太陽系太空館《星圖旅航》銀河中追尋宇宙 | Executive日記

KellyChu

13小時前

內容

大家會唔會同Kelly一樣，覺得宇宙係好神秘嘅存在，總係希望知多啲，係嘅話今日開始就可以到香港太空館天象廳，觀賞佢哋推出嘅全新天象節目《星圖旅航》。節目將帶領觀眾追尋宇宙起源，不但能觀察恆星嘅誕生與消亡，亦能體會到黑洞吞噬萬物嘅力量，齋聽都覺得畫面好震撼，好想睇。

　　根據太空館介紹，我哋平日在夜空中睇到嘅銀河，其實係一個由數千億顆恆星組成嘅星系，稱為銀河系。太陽亦係呢個龐大嘅星系內眾多恆星中嘅一員。從地球觀測時，所有恆星就似一個平面圖案，令我哋覺得每顆星都看似接近，而事實上它們在三維空間嘅距離卻非常遙遠。抬頭凝視夜空，所見到嘅只是宇宙中一隅。

　　天象節目《星圖旅航》將帶領觀眾展開一段跨越時空嘅精彩旅程，從地球啟航，穿越138億年嘅時間長河，追尋宇宙起源。節目勇闖太陽系邊界，探索銀河系嘅旋臂，觀察恆星誕生與消亡，並展示黑洞吞噬萬物之力量，以及星系間彼此碰撞並合併成為一個更大星系嘅過程，細說宇宙奧秘。

　　《星圖旅航》在今日起至11月14日，於香港太空館天象廳放映，放映時間為：星期一、三至五下午3時30分及晚上8時正，以及星期六、日及公眾假期下午2時正及6時30分，片長28分鐘。節目票價為30元（前座）和40元（後座）。門票現於香港太空館票房和城市售票網（www.urbtix.hk）發售。

KellyChu