KellyChu - 長洲土生土長「活字典」銓哥 36年輔警生涯力保打醮「太平」 | Executive日記
KellyChu
2025-05-14 02:00 HKT
字體大小
今期《警聲》訪問咗輔警警長關以銓「銓哥」，佢係長洲土生土長居民，已服務警隊36年，幾乎每年太平清醮都會派上用場，協助維持秩序。
銓哥後生嘅時候已渴望成為警察，當年在島上接受輔警集訓，最終成為輔警歷史上第二批、亦是最後一批長洲輔警學員班嘅畢業生。在30多年輔警生涯中，銓哥大部分時間駐守長洲，對島上嘅人和事有深入了解。佢表示，市區內報案嘅多是陌生人，但喺長洲，家家戶戶都互相認識，因此佢對居民嘅家庭狀況有基本了解，溝通不但更順暢，亦有助高效處理街坊嘅求助。
每年長洲太平清醮都會吸引大批旅客湧往島上，警方為確保安全及人流暢順，會調派警力到長洲維持秩序，而銓哥就成為大派用場嘅一員。佢分享指，早年飄色會景巡遊，曾有不同團體為爭「擔大旗」，搶先出發而險釀衝突，幸好大會主席想出以「擲聖杯」方式決定次序，始化解危機。時至今日，警方會在獅隊中間安排機動部隊隊員，在適當時間勸喻隊伍繼續前行；而輔警同事，就會在街頭兩旁維持秩序，確保在場人士能安全地觀賞盛事。
KellyChu
更多文章
