KellyChu - 法國藝術節一夜穿越奇幻馬戲世界《幻夜舞會》中環翩翩起舞 | Executive日記

Executive日記

KellyChu

2025-05-10 02:00 HKT

生活專欄

內容

　　法國五月藝術節主辦嘅街頭巡遊《幻夜舞會》，由世界知名法國公司Remue Ménage製作，係一場集視覺藝術、雜技、舞蹈和木偶表演於一體嘅舞會，5月9至11日及13至18日嘅晚上6點及7點半，於中環大館檢閱廣場舉行，免費入場。

　　昨夜，慶典序幕隨着華麗馬車進場而揭開，舞者和雜技人於激光中起舞，帶領觀眾進入一個以雷諾阿及德加嘅畫作為啟發嘅狂歡、奇幻世界，穿越回到美好年代。

　　據悉，Remue Ménage嘅創辦人及藝術總監Loïc Delacroix，曾擔任Hermès及Louis Vuitton等知名品牌嘅設計師，佢自小熱愛馬戲，亦曾是一位專業馬戲藝術家，擅長透過作品建構出恍如夢境嘅宇宙，並加入充滿詩意嘅視覺元素。

　　Remue Ménage由1996年成立至今，創作咗超過15部糅合設計、馬戲藝術及街頭藝術嘅作品，喺過去近30年嘅藝術路上，藝團亦在Loïc Delacroix嘅領導下急速成長，已成為公共藝術表演方面嘅楷模。

　　而《幻夜舞會》嘅編舞家Veronica Endo，則來自秘魯，於2000年起定居巴黎。佢參與過多部新古典、現代及當代舞製作，2004年起成為Remue Ménage嘅編舞家，創作及搬演過10多部專為公共空間製作嘅戶外演出，當中不少作品其後改編至劇場上演。

　　Veronica喺事業生涯中曾探索多個藝術範疇，包括偶戲、面具製作、戲劇、馬戲及舞蹈，以及與各頂尖劇團及機構合作，種種經驗豐富咗佢嘅創意思維。全賴Veronica與Loïc Delacroix攜手合作，才令藝團嘅跨界別創作生色不少。法國五月將Remue Ménage嘅動人演出帶到香港，既驚艷又難得。

KellyChu