KellyChu - 為市民權益發聲逾12年 《選擇》月刊深入民心 消委會總幹事黃鳳嫺功成身退 | Executive日記
KellyChu
2025-05-06 02:00 HKT
字體大小
消費者委員會總幹事黃鳳嫺係大家熟悉嘅公職人員之一，佢每個月中都會開記者會，公布《選擇》月刊嘅消費調查研究，成為市民生活所需嘅重要參考資料。Kelly盤點佢任內嘅重要消費研究，多不勝數，對於提升產品品質和服務質素，起咗重要作用，佢歷年來亦推動改善消費權益，轉眼任總幹事一職逾12年，正式功成身退。
黃鳳嫺出任消委會總幹事超過12年，係消委會任期第2長嘅總幹事，每個月嘅《選擇》月刊記者會由佢主持大局，向公眾講解市面各種產品嘅評測結果，也點評多元化嘅消費服務。今日係黃鳳嫺任期最後一天，但佢請咗假，所以上周五已卸任，未來數月會先稍作休息。
喺佢任內，曾處理過多項大型爭議，包括限奶令問題、加州健身倒閉、舒適堡倒閉、不同航空公司大量取消航班、美斯事件等。此外也發表多達21項消費研究，其中有《網上消費－香港消費者態度、營商手法及法律保障的研究》、《醫療美容服務的消費保障－引入新規管制度》、《倡議設立強制性冷靜期的研究報告》、《「境外置業添保障」研究報告》等等。
當局正招聘新任總幹事，月薪約25.7萬至27.3萬元，要求至少有15年從事消費者相關領域，或非牟利機構高層管理經驗，以及能夠駕馭複雜政治、社會和經濟環境，合約為期兩年半。Kelly希望繼任人能夠秉承會方良好傳統，繼續為市民嘅消費權益發聲。
KellyChu
最Hit
更多文章
