Cally - 上水廣場Beauty Cafe初夏祭全港首創智能美妝點餐機 | 商界講呢啲

Cally

20小時前

內容

　　炎炎夏日將至，一年一度嘅「黃金月盛典」再喺上水廣場盛大登場，今年特別以「Beauty Cafe初夏祭」為主題，5月1日至6月30日期間推出全港首個自助化嘅「五官風格測驗」服務，活動期間仲會送出過千份美妝產品，等你嘅美妝之旅更加精彩。

　　商場嘅全港首創「智能美妝點餐機」，只要喺指定周末同假期，消費滿300蚊就可以免費試玩，最特別係只需要10秒，就可以測試到你係甜、鹽、苦定辣嘅五官風格，仲會即場建議最啱你嘅妝容造型添！另外，「激賞黃金月」期間，全場商戶震撼優惠低至1折，仲有總值超過3萬1千蚊嘅福袋優惠券，想搶先體驗就唔好錯過5月1至5月5日嘅「萬元福袋大放送」，因為隨時有機會贏得iPhone、iPad同埋鑽飾等豐富獎品，最新優惠仲有迎接旅客回港嘅「旅客Shopping狂賞」，由依家開始到6月30日，旅客消費滿指定金額就會有額外獎賞。

　　商場仲特別聯乘大眾點評、小紅書、高德地圖同支付寶準備咗5,000份旅客禮包送俾大家，等本地同外地嘅朋友一齊感受初夏嘅購物樂趣，快啲嚟上水廣場，享受雙重驚喜啦！