KellyChu - 麥當勞x《龍珠》推主題美食珍藏包裝 39蚊即歎日式吉列雞腿飽套餐 | Executive日記
KellyChu
2024-11-15 02:00 HKT
字體大小
香港麥當勞宣布，即日起與《龍珠》全新系列《龍珠大魔》攜手合作，推出《龍珠大魔》主題美食同限量珍藏包裝，包括39元試食價歎日式吉列雞腿飽套餐、紫薯脆波同埋大阪燒風味Shake Shake薯條。Kelly已經率先試咗，真係食過翻尋味！
麥當勞話，即日起，顧客到餐廳直接選購，或透過麥當勞App優惠券，買日式吉列雞腿飽套餐，均可享期間限定$39優惠！同時，麥當勞App用戶繼續享有多項驚喜禮遇，只需憑電子優惠券，買49元「麥當勞|龍珠大魔限量珍藏套餐」，除可品嘗日式吉列雞腿飽套餐同紫薯脆波（5粒），仲可以獲贈限量龍珠大魔珍藏紙袋乙個！限量紙袋兩面，分別印有悟空（縮小版）及界王神（縮小版）2位經典角色肖像，極具收藏價值，鍾意《龍珠》嘅朋友仔，絕對不能錯過！珍藏紙袋數量有限，送完即止。
除咗以上限量珍藏套餐及$39日式吉列雞腿飽套餐優惠，全新優惠券仲包括「$12紫薯脆波（5粒）」、「選購指定超值套餐加$10配麥炸雞（1件）」和「$88麥炸雞分享桶」，多款美食畀大家選擇！另外，11月14日起，可以入PayMe App，搶5元麥當勞快閃優惠券，領券後即日內到麥當勞餐廳，或App消費滿港幣40元或以上，並用PayMe付款，優惠券即自動扣減！
值得一提係，今次同《龍珠大魔》聯乘嘅美食，都以動畫主題包裝盛載，食物包裝盒、飲品杯、外賣紙袋等，都印上咗角色肖像。好食之餘，仲可以收藏！
KellyChu
最Hit
罐裝蛋卷正確打開方式！餅家教用1物輕鬆開蓋 網民錯重點：教咗點拎第一條先！
2026-02-10 13:37 HKT
港姐冠軍回流溫哥華當地產經紀 一條龍服務推介樓盤另送揀校攻略 朱千雪給予高度評價
2026-02-11 11:00 HKT
港大教授帶隊創業 先進半導體熱管理技術 破解電動車與AI「過熱死穴」
2026-02-11 08:00 HKT
最平澳門直通巴路線? ！OK巴士增深圳來往珠海澳門路線 羅湖、福田經深中通道 1.5小時直達拱北口岸
2026-02-10 12:52 HKT
更多文章
