KellyChu - 市建局「城蹤遊」下周六首團 地膽帶路導賞中上環4大主題 | Executive日記
KellyChu
2024-10-28 02:00 HKT
字體大小
市建局將於中環推出「城蹤遊」（City Walk），讓市民透過參與導賞活動，探索呢個蘊藏豐富歷史和人文面貌嘅地區。而「城蹤遊」首個活動「地膽遊中」，將於下周六（11月9日）舉辦首團，由對社區非常熟悉嘅「地膽」擔當義務導賞員，為參加者提供獨一無二City Walk體驗，深度認識本港社區歷史文化。
「地膽遊中」導賞團圍繞4大主題：歷史與建築、飲食與社區風貌、藝術文化及經典電影場景，約60名55歲或以上嘅「地膽」將會擔當義務導賞員，佢哋按照主題嘅不同景點，加入咗自己嘅個人經歷和生活小故事後，訂出獨特導賞路線。
其中喺中環「土生土長」嘅導賞員Emily表示，佢小時候同其他兄弟姊妹，每日都會被暫託於中環街市相熟檔販內，由檔主照顧，因此見證着街市變遷，當時幾兄弟姊妹好鍾意喺水磨石樓梯嘅扶手上「瀡滑梯」，好刺激、好好玩。而當年有唔少苦力用擔挑搬運貨物，佢同細佬就分別坐喺擔挑兩側，穿梭中環街市各處。
為令導賞團辦得更吸引，市建局也為導賞員提供一系列培訓課程，包括邀請香港歷史博物館顧問、掌故專家鄭寶鴻為導賞員講述中上環歷史、街道變遷和民生面貌等資訊，加深他們對中上環嘅認識。
市建局亦特別製作「地膽遊中」地圖，透過色彩繽紛嘅圖像及街道圖，呈現各個主體景點和AR位置，讓更多導賞團以外嘅市民和旅客，皆能探索和體驗中上環魅力。
「地膽遊中」導賞團由今年11月9日起至明年1月中，每逢星期二、四及六舉辦導賞活動。導賞員會以廣東話「帶團」，合共提供40個導賞團、讓約500名市民參加。
KellyChu
市建局特別製作「地膽遊中」地圖。
更多文章
