Cally - 北角匯首創毛孩貴賓室VIPet Lounge 新增3大指標性寵物友善設施 | 商界講呢啲
Cally
2024-03-11 02:00 HKT
字體大小
毛孩係主子心中獨一無二嘅寶貝，因此北角匯即日起全方位升級場內嘅寵物友善設施及配套，打造成五星級寵物友善商場，俾毛孩與主子出遊時得到貼心嘅貴賓式款待，當中包括新增全港首個VIPet Lounge，設有「毛孩影院」、「毛孩按摩區」和「毛孩放電區」三大專區，毛孩喺VIPet Lounge內可以舒展筋骨、欣賞映畫及互動玩樂，仲可以體驗非凡嘅貴賓室享受，成為毛孩及主子最新嘅打卡熱點。
另外，場內同時新增三大具指標性嘅寵物友善設施，包括「寵主友善泊車位」、「寵物友善專𨋢」，以及雲集「便便處理、消毒液及食水供應」嘅一站式多功能Pet Care服務站，為主子及毛孩們提供呵護備至嘅貼心服務。
要成為寵物友善商場，當然要有相應嘅配套啦！除咗可以免費借用寵物飾物、寵物車外，只要捐款仲可獲寵物抹身布、防蚊噴霧等清潔用品。北角匯仲齊集各式各樣嘅寵物商戶，方便主子為毛孩添置新裝及選購最新零食，與毛孩一同選購大手入貨。
商場早前亦與毛孩街、香港愛護動物協會合辦「人寵慈善海上遊」，一眾毛孩同主子齊齊開心暢遊維港。商場將會繼續定期舉辦寵物主題活動，主子們記得密切留意啦！
Cally
最Hit
網民熱議「全港最佳公屋邨」！交通便利/校網強勁/單位面積大 「這條邨一定沒有人反駁」
2026-02-21 17:07 HKT
長者玩樂優惠2026｜樂悠咭/長者咭專享12大景點折扣 海洋公園/昂坪360纜車/中環摩天輪
2026-02-21 10:00 HKT
旅行日行過萬步怕腳痛？Threads熱推5大「神鞋」百搭又實用 HOKA/Nike/asics有份
2026-02-21 11:15 HKT
更多文章
